ŠIPEDI

MOLAO WA MAITSHWARO WA TIRELO YA SETŠHABA

M1 HLALOŠO

Ka kgaolong ye, lentšu le lengwe le le lengwe goba tlhagišo yeo e filwego hlalošo ka Molaong, e šikara hlalošo yeo e e filwego, gomme "Molao wo" o ra Molao wa Tirelo ya Setšhaba, 1994, le melawana yeo e lego ka fase ga wona.

M2 MAIKEMIŠETŠO

M2.1 Gore melao ye itšego ka gare ga molaotheo ye amanago le Tirelo ya Setšhaba e tšenywe tirišong, bašomi kamoka ba swanetše go šala morago Molao wa Maitshwaro wo filwego ka Kgaolong ye.

M2.2 Molao o swanetše go raloka karolo ya go hlahla bašomi gore go lebeletšwe eng go bona lehlakoreng la maitšhwaro a bona ka noši le kamanong ya bona le bangwe. Go lebeletšwe gore hlompho ya molao e tla phagamiša boithutedi (boprofešenale), gape le go thuša go netefatša potego tirelong ya setšhaba.

M3 MATŠENO

M3-1 Go na le hlokego ya go fa bašomi methalohlahli mabapi le kamano ya bona le lekgotla-theramelao, dipolotiki le bahlankedi phethiši, bašomi ba bangwe le setšhaba, le go šupa moya wo bašomi ba swanetšego go dira mediro ya bona ka wona, gore go dirwe eng go thibela phapano ya dikgahlego le gore go lebeletšwe eng go bona mabapi le maitšhwaro a bona setšhabeng le maphelong a bona a praebete.

M3-2 Le ge Molao wa Maitshwaro o hlamilwe gore o kwišišege ka moo go kgonegago, ga o fe maemo a boitshwaro ka botlalo. Dihlogo tša dikgoro go ya ka karolo 7(3)(b) ya Molao, di swanetše gore gare ga tše dingwe. di be le maikarabelo a taolo le tshepedišo ya dikgoro tša bona ye kgontšhago le poloko ya thupišo. Morago ga ge taba e rerilwe Ngwakong wa Lekgotla la Ditherišano tša Tirelo ya Setšhaba, ntle le go nyenyefatša, dihlogo di ka no oketša Molao wa Maitshwaro wo filwego ka Kgaolong ye go kgotsofatša mabaka a bona a sa swanego. Dihlogo tša dikgoro di swanetše gape go netefatša gore bašomi ba bona ba tšeba magato a, le gore baa amogela ebile ba šala magato a morago.

M3.3 Maikemišetšo magolo a Molao wo ke a nnete, gomme ke go tšwetša pele maitshwaro a mabotse. Ntle ga seo, mošomi o tla humanwa a le molato wa go še itshware gabotse go ya ka Karolo 20(t) ya Molao wa Tirelo ya Setšhaba, 1994, gomme o tla otlwa go ya ka dikarolo tša maleba tša Molao, ge a ka ngangišana le Molao wa Maitshwaro, goba a palelwa ke go latela ye mengwe ya melawana.

M4 MOLAO WA MAITSHWARO

M4.1 KAMANO LE LEKGOTLA-THERAMELAO LE BOLAODI PHETHIŠI

Mošomi -

M4-1.1 o hlompha Rephaboliki le Molaotheo gomme o šala tšona morago mešomong yeo a e dirago tšatši ka tšatši;

M4.1.2 o bea djkgahlego tša setšhaba pele tirong ya mešomo ya gagwe

M4.1.3 ' o phetha maikemišetšo a mmušo o bušago ka botshepegi ge a dira mešomo ya gagwe ya semmušo bjale ka ge e ngwadilwe ka mangwalong a molao le a mangwe;

M4.1.4 o phegelela go tseba le go šala morago melao kamoka le ditaelo tše dingwe tša maitshwaro le mešomo ya gagwe, ebile;

M4.1.5 o šomišana le mafapha a mangwe a setšhaba ao a hlomilwego ka faše ga molao le Molaotheo go tšwetša pele dikgahlego tša setšhaba.

M4,2 KAMANO LE ŠETŠHABA

Mošomi -

M4.2.1 o tšwetša pele kopano le go phela gabotse ga setšhaba sa Afrika

Borwa ka mešomo ya semmušo yeo a e dirago;

M4.2.2 o tla direla setšhaba ka botshepegi le go hloka kgethollo ka maikemišetšo a go tlhola potego Tirelong ya Setšhaba;

M4.2.3 o na le botho le thušo, gape o tsenega ka moo go kwišišegago, ebile ka dinako kamoka o šomišana le maloko a setšhaba bjalo ka barekedi bao ba swanetšego go amogela tirelo ya maemo a godimo;

M4.2.4 o na le hlompho ya mabaka le dipelaelo tša setšhaba ge a dira mešomo ya gagwe ya semmušo, le ge a dira diphetho tše ba amago;

M4.2-5 o na le maikemišetšo hlabollong le kaonafatšong ya ma Afrika Borwa kamoka;

M4.2,6 ga a kgetholle maloko a setšhaba go ya ka morafe, bong, tlhago ya setšo goba ya kgwerano, mmala, thobalano ye itšeng, mengwaga, bogole, bodumedi, dipolotiki, letswalo, tumelo. setšo goba polelo;

M4.2.7 ga a šomiše maemo a gagwe a Tirelo ya Setšhaba ka bošaedi go tšwetša pele goba go kgetholla dikgahlego tša lekgotla le itšeng la dipolotiki goba sehlopha sa kgahlego se itšeng;

M4.2.8 o hlompha le go šireletša seriti sa motho le ditokelo tša gagwe tšeo di

lego ka gare ga Molaotheo; gomme

M4.2.9 O lemoga tokelo ya setšhaba ya go hwetša tshedimošo. go sa balelwe tšhedimošo yeo go šupilwego gore e šireletšwa ke molao.

M4.3 KAMANO GARENQ GA BAŠOMI

Mošomi -

M4.3.1 o šomišana ka botlalo le bašomi ba bangwe go tšwetša pele dikgahlego tša setšhaba;

M4.3.1 o phetha ditaelo kamoka tše kwalago tše tšwago bathong ba laeditšwego semmušo gore ba di fe, ge fela e le gore ga di ganetšane le melawana ya Molaotheo le goba molao ofe goba ofe wo mogwe;

M4.3.3 o tlogela go thuša ba leloko le bagwera ba gagwe fela ditirong tšeo di sepelelanago le mošomo, gomme ga a šomiše maatla a gagwe ka bošaedi goba a huetšwa go šomiša maatla a gagwe ka bošaedi;

M4.3.4 o šomiša ditšela tše swanetšego go sepetša dipelaelo tša gagwe le go romela ditlhagišo;

M4.3.5 o na le maikemišetšo a go hlabolla, go hlohleletša , go šomiša bašomi ba gagwe le go tšwetša pele tswalano ye botse ya bašomi le tšhomišano;

M4.3.6 o šomišana ka tshwanelo, boprofešenale le ka tekano le bašomi ba bangwe, go sa kgathalelwe mmala, bong, tlhago ya setšo goba kgwerano, thobalano ye itšeng, mengwaga, bogole. bodumedi, dipolotiki, letswalo, tumelo, šetšo goba leleme, gomme:

M4.3.7 ga a tsenele ditirelo tša dipolotiki ge a le mošomong.

M4.4 PHETHAGATŠO YA MEŠOMO

Mošomi

M4.4.1 o phegelela go fihlelela maikemišetšo a lefapha la gagwe ka go seketša gomme e le go ya ka kgahlego ya setšhaba;

M4.4.2 o na le bokgoni bja bohlodi ka monaganong, bjoo a bo šomišago ge a dira mošomo wa gagwe, o nyaka ditšela tše mpšha go rarolla mathata ebile o godiša kgontšhago le ye kgenago go ya ka molao;

M4.4.3 o dira mešomo ya gagwe ka nako;

M4.4.4 o dira mošomo wa gagwe ka mokgwa wa maleba wa boprofešenale le ka bokgoni;

M44.5 ga a tsenele kwano goba mediro yea e ka mo šitišago go phethagatša mešomo ya gagwe ya semmušo;

M4.4.6 o tla itokolla kgatong efe goba efe tshepedišong ya go tšea sephetho

seo mafelelong se ka dirago gore a ikhweletše ša gagwe ka tsela yea e sego ya maleba, gomme a dire kgoeletšo ye nepagetšego ya seo;

M4.4.7 o amogela maikarabe'o a go tsenela hlahlo ye tšwesago pele le go hlabollwa lebakeng kamoka la mošomo wa gagwe;

M4.4.8 o a tshepega gape o na le maikarabelo a go šoma ka ditšhelete tša setšhaba le go šomiša thoto le methopo ye mengwe ya setšhaba ka kgontšhago le ka bokgoni mabakeng ao a dumeletšwego semmwšo tela;

M4.4.9 o tšwetša pele tshepedišo ya maleba, ye kgontšhagalago, ye nago le bokgoni le maikarabelo;

M4.4.10 lebakeng kamoka la go dira mešomo ya gagwe ya semmušo, o tla tsebiša bahlankedi ba swanetšego ka ga boradia, bosenyi, go thwala maloko le bagwera, taolo ye mpe le ditiro tše dingwe tšeo e lego tlolo ya molao le tšeo di ša dirwego kgahlegong ya setšhaba;

M4.4.11 o fa dikeletšo tše sa hlaolego tše theilwego godimo ga tsebišo ya maleba yea e lego gona, go bahlankedi ba ba golo ge a kgopetšwe thušo ya mohuta woo, gape;

M4.4.12 o hlompha diphiri tša merero, ditokumente. dipoledišano tše hlophilwego goba di bontšha go ba diphiri.

M4.5 MAITŠHWARO LE DIKGAHLEGO TŠA PRAEBETE

Mošomi

M4.5.1 ka nako ya ditiro tša semmušo a apara le go itshwara ka mokgwa wo fago ditirelo tša mmušo seswantšho se se botse;

M4.5.2 a itswhara ka swanelo ge a šomiša tša go nwa tše bogale goba še sengwe le se sengwe se ka mo tagago;

M4.5.3 ga a šomiše maemo a gagwe a semmušo go ikhweletša dimpho tša praebete gaba tšeo a ka ikholago ka tšona ge a le medirong ya emmušo, goba go amogela dimpho le dilo tšeo a di fiwago, ka gore se se ka tšewa e le bomenetša;

M4.5.4 ga a šomiše goba go utolla tšhedimošo ya šemmušo ka maikemišetšo

a go ikhola goba go hola ba bangwe, gape;

M4.5.5 ga a dire mešomo ya ka thoko yeo e tla mo lefago ntle le tumelelo

goba go šomiša ditlabakelo tša mošomo go dira mešomo ye bjalo.