Ndo dinekedzela u shumela na u tsireledza vhathu na shango la hashu, u ya nga mulayotewa na mulayo na nga khuliso, thonipho, vhudiimiseli na nga vhufhulufhedzei.

Ndi do shumela SANDF nga u fulufhedzea na u dihudza sa mudzulapo na muthusi a sa holelwi.

Ndi do thonifha kutshimbidzele kwa politiki ya demokirasi na kulangulele kwa mmbi ya SANDF.

Thi nga diwani ndi tshi khou bvedza phanda kana u vhaisa madzangalelo a lihoro la politiki kana dzangano.

Ndi do vha na vhudifhinduleli ha zwothe zwine nda do zwi ita.

Ndi do tevhedza milayo yothe na u thonifha vhahulwane kha nne.

Ndi do hana u ita zwothe zwi re nnda ha mulayo.

Ndi do shuma ndo diimisela na u thusa vhashumisani na nne ndwani, naho zwi tshi amba u lozwa vhutshilo hanga.

Ndi do fara vhathu vhothe zwavhudi, ndi do thonifha na pfanelo dzavho na vhuvha havho tshifhinga tshothe, ndi songo sedza uri ndi lushaka-de, murafho, mbeu, vhurereli, mvelele na luambo.

Ndi do thonifha na u tikedza vha re nga fhasi hanga na u vha fara zwavhudi.

Thi nga shumisi maanda anga, vhuimo kana tshelede ya lushaka nga ndila I songo teaho ndi tshi khou itela nne kana zwinwe-vho zwa thungo.

Ndi do vhiga zwiito zwothe zwo khakheaho, vhuada na u sa difara zwavhudi phanda ha vhahulwane.

Ndi do lingedza nga ndila dzothe u khwinisa vhukoni ha SANDF nga u vhona uri hu vha na vhudifari, u tsireledza ndaka na u bveledza vhukoni na u ita mushumo wanga nga vhukoni.

Kha mmbi dza zwithavhane kana dzo tamaho ndi do tevhedza milayo ya mulayo wa vhathu wa dzitshaka sa zwe ya sumbedziswa zwone kha Thendelano ya Geneva:

Ndi do lwa na maswina a maswole fhedzi ndi tshi khou lwela ndivho ya zwa vhuswole.

Ndi do shumisa ndila dzavhudi dza u lwa, na u lingedza u sa tshinyadza ndaka na matshilo a vhathu.

A thi nga huvhadzi maswina ane a khou u sumbedza uri o kundiwa, ndi do vha dzhiela zwithavhane nda vha shumisa sa dziphuli dza nndwa.

Thi nga vhulai, kana u shengedza dziphuli na u sa dzi fara zwavhudi.

Thi nga diwani ndi tshi khou shumisa zwithavhane nga ndila i si yone ndi tshi itela u pfisa vhathu vhutungu.

Ndi do kuvhanganya na u thogomela vhathu vho huvhalaho na vhane vha khou lwala vha nga vha maswina kana dzikhonani.

Ndi do fara vhadzulapo nga ndila yavhudi kana ya vhuthu.

Thi nga kondeleli na u didzhenisa kha zwa u tshipa na u homboka.

Ndi do thonifha zwithu zwothe zwa mvelele na fhethu ha u gwadamela Mudzimu.

Ndi do thonifha vhathu vhothe na zwithu zwothe zwi re na tshiga tsha tshifhambano tshitswuku, Red Crescent na zwothe zwiga zwine zwa divhea zwa mazhendedzi a vhathu.

Ndi khou pfesesa uri u sa tevhedza heyi milayo ndi vhuvemu zwa dovha zwa nyadzisa maswole na shango lavho, na uri vha wane tshigwevho sa zwigevhenga zwa nndwa. Zwenezwo ndi do vhiga u pfukwa ha milayo kha vhahulwane vhanga.