Ngiyazibophelela ekusebenzeleni nekuvikeleni ngehlonipho, ngesithunzi, isibindi kunye nokuthembeka, inarha yekhethu kunye nabantu bayo ngokuya komThethosisekelo nomthetho.

Ngisebenzela i-SANDF ngokuthembeka kunye nangokuzikhakhazisa, njengesakhamuzi kunye nomuntu oragwa lithando lomsebenzi.

Ngihlonipha ikambiso yezepolitiki yedemokhrasi kunye ne-SANDF engaphasi kwelawulo lalabo abangasiwo amasotja.

Angeze ngakhwezela namkha ngaphazamisa ikareko yanofana ngisiphi isiqhema sezepolitiki namkha ihlangano.

Ngizithatha njengomuntu ozaziphendulela ngakho koke engikwenzako.

Ngizakuhlonipha zoke iinyalelo zangokomthetho begodu ngizakuhlonipha neenkhulu zami.

Ngizakwala ukulalela iinyalelo okusetjhatjhalazini bona azikho emthethweni.

Ngizakwenza umsebenzami ngesibindi begodu ngizakurhelebha abakhambisani bami epini, ngitjho namkha lokho kungabeka ipilo yami engozini.

Ngizakuphatha boke abantu ngokulunga begodu nangehlonipho yamalungelo kunye nesithunzi sobuntu sabo sikhathi soke, ngaphandle kokukhetha umbala, ubuhlobo, ubulili, ikolo, isiko, ilimi nanyana ijamo kezobulili.

Ngizakuhlonipha begodu ngisekele labo abangaphasi kwami begodu ngibaphathe ngefanelo.

Angeze ngasebenzisa amandla nesikhundla sami butjhuleni begodu angeze ngasebenzisa iimali zomphakathi ukuzisuthisa mina ngokwami, namkha ukufezakalisa iminqopho yezepolitiki namkha amanye nje amabanga.

Ngizakubika kwabafaneleko abaphetheko ngezenzo zobulelesi, ubukhohlakali kunye nokuziphatha kumbi.

Ngizakulwela ukuphuhlisa amakghono we-SANDF ngokulandela irherho lokuziphatha kuhle, ukuvikela ipahla, ukuthuthukisa amakghono kunye nelemuko, kunye nekwenzeni imisebenzi yami kuhle nangezinga eliphakemeko.

Emajameni lapho kunetjhayisano eliphelelisa ngokobana kusetjenziswe iinhlabani, mina ngizakulandela iinjamiso zomthetho wobuntu weentjhaba njengombana utlolwe eemVumelwaneni zeJiniva.

Ngizakulwa namasotja amanaba kwaphela begodu ngizakuhlasela labo abalwako.

Ngizakuhlasela ngomnqopho wezepi ngendlela ezakwenza bona kubalekelwe ukulimala khulu ngokungakghoneka, kwabantu abangalwi kunye nepahla.

Angeze ngahlasela namkha ngakhubaza labo bamanaba abazinikelako. Ngizabamuka iinhlabani zabo bese ngibaphatha njengeembotjhwa zepi.

Angeze ngabulala, ngahlunguphaza namkha ngitlhorise iimbotjhwa zepi.

Angeze ngatjhugulula iinkula zeengidi ngomnqopho wokwandisa ubuhlungu.

Ngizakubutha begodu ngitlhogomele abalimeleko, abaphahlakele mkhumbi begodu nabagulako, ababangani namkha amanaba.

Ngizakuphatha boke abangasiwo amasotja ngobuntu.

Angeze ngazibandakanya namkha ngavumela ukukatwa (emabhayini) namkha ukuthathwa ngamandla kwepahla ngokungakafaneli.

Ngizakuhlonipha yoke ipahla yesiko kunye neendawo zokulotjha.

Ngizakuhlonipha boke abantu kunye nezinto ezinetshwayo lesiPhambano esiBovu (i-Red Cross), itshwayo leSegere eBovu (i-Red Crescent) kunye namanye amatshwayo weensebenzeli zobuntu.

Ngiyazi bona ukungalandeli iinjamiso lezi bulelesi. Kukhupha amasotja lawo kunye nephasi lawo isithunzi, begodu kwenza bona athwale umlandu wokungagwetjwa njengeenlelesi zepi. Ngesibangeso-ke, ngizakubika ukwephulwa kweenjamiswezi eenkhulwini zami.